Tanobada heḡeḡemadai ai tuari ese dika bada bona hisihisi bada e havaraiamu. Mani ripoti haida aita ita:

•   “Laḡani gunanai, Ethiopia bona Ukraine ai e vara tuaridia daidiai momo na edia mauri e haboio, una ese laḡani 1994 ai e vara tuarina ena dika e hereaia.”​—Peace Research Institute Oslo, June 7, 2023.

•   “Laḡani 2022 ai, Ukraine ai e vara tuarina na e dika herea. Laḡani gunadia ai tanobada heḡeḡemadai ai politikol oreadia edia daḡedaḡe karana ena bada na 27% amo e dae, bona una dainai taunimanima 1.7 bilion mai kahana na dika bada e davari.”​—The Armed Conflict Location & Event Data Project (ACLED), February 8, 2023.

 Baibul ese e hagoadadamu, e tomu “guba Diravana ese basileia ta baine haginia, nega ta ai basie habuaia tari diba ḡauna.” (Daniel 2:44) Dirava ena Basileia eiava gavamani henunai Dirava ese ‘tuari be hadokodiamu ela bona tanobada dokona.’​—Salamo 46:9.