Laḡani 2022 ai, tanobada heḡeḡemadai gavamani momo na edia tuari oreadia daidiai moni 2.24 trilion dollars (U.S.) mai kahana e ḡaukaralai.Una na Russia bona Ukraine padadiai e varava tuarina dainai. Danu April 2023 ai, Stockholm International Peace Research Institute (SIPRI) ena ripoti ese e hahedinaraia laḡani 2022 lalonai:

•   Europe edia gavamani ta ta ese edia tuari oreadia daidiai moni bada herea e ḡaukaralai, bona “ina laḡani ai e ḡaukaralaia monina na 13 pesen amo e dae. Una ese guna cold war ai e ḡaukaralaia monina e hereaia.”

•   “Russia gavamanina danu tuari dainai e ḡaukaralaia monina na 9.2 pesen amo e dae, una dainai tanobada heḡeḡemadai lalonai Russia sibona mo moni bada herea e ḡaukaralaia.”

•   To United States edia tuari oreana mo goada herea, badina edia gavamani ese moni bada herea na edia tuari oreadia idurudia totona e ḡaukaralai, bona e ḡaukaralaia monina na “39 pesen amo e dae.”

 Coauthor of the SIPRI ena ripoti ai Dr. Nan Tian na e gwa: “Vanegai laḡanidia lalodiai gavamani momo na tuari oreadia daidiai moni bada e ḡaukaralai, una dainai hari taunimanima na mai garidia ida e nohomu.”

 Baibul na e peroveta, gavamani goadadia padadiai heiriheiri bona hekwakwanai momo be varamu, bona una ese e hadibadamu ḡau tamona ese maino baine havaraia diba.

•   Baibul ese ta noholaiamu negana na e gwauraiamu “nega dokona.”​—Daniel 8:19.

•   Daniel bukana na e peroveta una nega ai basileia badadia na be heinai hehenimu. Basileia ta ese basileia ma ta be ‘heau heniamu’ anina na sibodia be hetuari hehenimu unu amo ta ese tanobada baine lohiaia. Una dainai, idia ese edia “dava-bada ḡaudia” eiava moni bada herea e ḡaukaralaimu tuari oreadia momo e haginimu.​—Daniel 11:40, 42, 43.

 Baibul ena peroveta herevadia ba diba totona, vidio ladana Fulfilled Prophecy​—Daniel Chapter 11 ba itaia.

•   Baibul na e gwa Dirava ese tanobada gavamanidia iboudiai baine kokidia. Ia ese “basileia ta baine haginia, nega ta ai basie habuaia tari diba ḡauna; bena ena lohia siahuna na basine hanai bese idauna ta enai. Ia ese unu basileia iboudiai na baine hamakohidia sisisisi bona baine hadokodia, bena baine gini hanaihanai.”​—Daniel 2:44.

•   Tanobada gavamanidia ese basie karaia diba ḡauna na Iehova a Dirava ese baine karaia diba, una na maino korikorina baine havaraia. Edena dalai? Iena guba gavamanina ese tuari kohudia iboudiai bona daḡedaḡe karadia danu baine haoredia.​—Salamo 46:8, 9.

 Dirava ena Basileia ese be haḡuḡurumu ḡaudia ba diba totona, atikol ladana “Under God’s Kingdom ‘Peace Will Abound’” ba duahia.