Isaia 26:1-21
26 Una dina ai, ina ane na Iuda tanona ai bae abia:
Ita na mai eda hanua aukana;ia ese ena hahemauri e haginiamu,maḡu ai bona imuda ai e halaoamu.
2 Ikoukou a kehodia,bena kara maoromaoro besena mai ena heabidadama na baine raka vareai.
3 Lalona ese oi e badinamumu tauna naoi ese maino ḡoeva-daena ai o hanohoamu,badina be ia ese oi e abidadama henimumu.
4 Iehova bavabidadama henia hanaihanai,badina be Iehova na mia-hanaihanai nadi-ginina.
5 Badina be ia ese atai hanuana inoholaina taudiavada e hamorudia.E hamoruamu, e hamoruamu ela bona tano ai,ḡahu ai e negea dobi.
6 Ae ese e moia taomu,ogoḡami taudia aedia ese,e dabumu taudia aedia palapaladia ese.
7 Kara maoromaoro tauna ena raka dalana na e hedaga maoro;oi ese kara maoromaoro tauna ena dala o hamanadaiamu.
8 Iehova e, ai ese a narimumu,emu hahemaoro daladia ai,oi ilalolaimu ladana nalaumamai ese e ura heniamu ḡauna.
9 Hanuaboi ai lalogu ese e hekise-hekise henimumu;laumagu ese e tahumu malaka-malakamu.Badina be emu hahemaoro herevadia na tanobada ai e miamu negadia ai,tanobada inoholaina taudia ese kara maoromaoro e dibaiamu.
10 Kara dika tauna bema lalo namo henia,to ia ese kara maoromaoro basinema dibaia;kara maoromaoro tanona ai ia na e kara gageva-gagevamu,bona Iehova hairaina se itaiamu.
11 Iehova e, oi imamu e heabi isimu,a idia na asie itaiamu.
Emu uraheni emu bese taudia ediai na bema itaia, bena bema hemarai;oi inaimu iaradia lahina ese bema aradia ore.
12 Iehova e, oi ese emai maino na emu hereva amo ba haginia;emu ḡaukara iboudiai oi ese vada o kara ai daimai ai.
13 Iehova e, emai Dirava,lohia idaudia ese vada e lohiamai,a oi ladamu mo a abia daemu.
14 Idia vada e mase, basie mauri;idia na laulau mo, basie tore isi;una totona oi ese hahebua-tari na latadiai vada o siaia,bona idia ilalo-taolaidia daladia iboudiai vada o rohodia.
15 A bese taudia vada o hahutumadia;Iehova e, bese taudia vada o hahutumadia;idia ese e imodaimumu;tano hetoadia iboudiai vada o habadadia.
16 Iehova e, hisihisi ai oi e tahumu;emu mata-hakani na latadiai e kau negana ai,idia ese e ḡanaḡana henimu;
17 rogorogo hahinena na heto,ena mara negana vada e kahikahi ai,ena hekamonai hisidia ai e hebiloumu,bona e ḡanaḡanamu.
Iehova e, ai danu unuheto, oi daimu ai;
18 ai na a rogorogo, a hebilou,to asi anina, lai na heto.
Tanobada ai tau ta asia hamauria,bona tanobada inoholaina tauna ta se vara, ai daimai ai.
19 Emu mase taudia bae mauri,tau-anidia bae tore isi.Ḡahu ai o nohomu taumui e, a noga!
Moale anedia bavabi.
Badina be emu hunu na diari hununa;oi ese mase laulaudia edia tano ai ba hadihoa.
20 Egu bese taumui e, emui daiutu ai ba raka vareai,iduaramui ba kou;nega taina ba komu,ela bona badu baine ore.
21 Badina be, a itaia, Iehova na ena gabu amo e raka lasimu,tanobada inoholaina taudia edia dika davadia baine henidia totona;tanobada ese ia latanai vada e hebubu rarana na baine hahedinaraia,bona ena mase taudia basine ḡovadia ahu lou.