Isaia 27:1-13
27 Una dina ai Iehova ese ena dare aukana bona badana bona goadana amo Leviathan, e rau laomu gaigaina, Leviathan, e veromu gaigaina, davana baine henia; bona davara hualana na baine alaia mase.
2 Una dina ai,vine imeana namo-hereana anena bavabia.
3 Lau Iehova na ia ireḡuna,nega idoinai na dairiamu.
Hanuaboi ai bona dina ai na gimaiamu,ta ese bema hadikaia na garina;
4 lau na asi egu badu.
Au ginigini bona ava ḡiniḡini bema mia,lau ese bama tuari henidia;ihadikadia totona bama tore isi,bama doudia ore.
5 Eiava egu hegima lalonai bema vareai,lau ida baiama herohemaino,lau ida baiama herohemaino.
6 Dina gabedia ai, Iakob ramuna baine hekara,Israel baine gara kau, tuhutuhuna na bae tubu,huahuana na tanobada idoinai bae hahonua.
7 Vada e rahudia mase, irahu-masedia taudia e rahudia mase heḡereḡerena a?
Eiava vada e aladia mase, iala-masedia taudia e aladia mase heḡereḡerena a?
8 Taidia taidia amo dauhai iatodia ai o heai henidia;ena lai goadana amo e odadia oho, laurabada e toa dinana ai.
9 Taunabunai, ini amo Iakob ese ena kerere baine davalaia,ena dika iabi-ohona anina momokanina binai:ia ese ihaboulaina patadia nadidia iboudiai nanadi maḡiḡidia, vada e makohi sisisisi ḡaudia,heḡereḡeredia ai baine halaodia;bona Asera ena au-tubua ta eiava muramura mai bonadia patana ta basine hamiaia.
10 Badina be hanua mai maḡuna vada e ḡaḡae,ruma ahutuna, vada e rakatania ḡauna, na heto,eiava tano ḡaḡaena na heto.Boromakau natuna unuseni ai e anianimu,unuseni ai e hekuremu, rigi raudia e animu.
11 Rigi e kaukaumu e kwaidumu negana ai,hahine na e maimu, edia au rakuraku ai e halaodiamu.Badina be ina bese taudia na asi edia lalo-parara,taunabunai ikaradia Diravana ese basine bogadia hisi,bona oromadia e henidia Diravana ese basine lalo namo henidia.
12 Una dina ai, Iehova ese uit baine kwadia, Eufrate sinavaina amo ela bona Aigupto Dokana. Bona umui, Israel taumui e, umui na ta ta amo baine haboumui kau.
13 Una dina ai, kibi badana bae hiriria; bena Asuria tanona ai e boio taudia bona Aigupto tanona e luludia lao taudia na baema, Ierusalem ena ororo tubuana ai Iehova bae toma henia diho.
