Isaia 58:1-14
58 A boi lolo, udumu basio hakapua,gadomu ba habadaia, kibi na heto;egu orea taudia na edia kerere ba hadibalaidia,Iakob iduhuna taudia na edia dika ba hadibalaidia.
2 Ḡau tamona, idia na dina iboudiai e tahugumu,egu dala idibadia e moalelaiamu,kara maoromaoro e karamu bona edia Dirava ena taravatu se rakataniamubesena na heto;hahemaoro ḡoevaḡoevadia egu ai e noimu,bona Dirava iraka-kahi-henina e moalelaiamu.
3 E tomu: Dahaka dainai ai vada a anivaga, a oi ese so itaia?Dahaka dainai ai vada a hahemanau, a oi ese so dibaia?A itaia, emui anivaga dinana ai sibomui emui ura o tahuamu,bona emui ḡaukara taudia iboudiai o hahisihisidiamu.
4 A itaia, o anivagamu lalodiai o heaimu bona o heatumu mo,bona imamui kahu-kuborodia dikadia amo o hetutumu.Ina dina ai unu o anivaga tomamu dainai,gadomui na atai ai basie hekamonai:
5 Lau na abia hidimu anivagana binai a:tau ta sibona baine hahemanau,bona kwarana baine ha-igoa diho, hido helouna na heto,bona henunai puse dabuadia baine laha bona kahu baine ḡiḡi?Ina na anivaga dinanabona Iehova ese baine abia dae dinana ba gwauraia a?
6 Lasi, vada na abia hidi anivagana binai ani:
kara dika iḡuidia ba ruhadia,bona maduna varodia danu;e hahisihisidiamu taudia na ba ruhadia nege,bona maduna iboudiai ba hakwaidudia?
7 Hitolo taudia ida amu aniani ba haria,bona ogoḡami taudia asi edia ruma na emu ruma ai ba hakaudia vareai, ani?
Asi ena dabua tauna ba hadabualaia,bona varavaramu edia amo basio komu, ani?
8 Una negana ai emu diari baine hedinarai, daba e kiniamu na heto,bona ihanamo-loumu baine haraḡa;emu kara maoromaoro na vairamu ai bainela,bona Iehova hairaina na murimu igimana ai bainela.
9 Bena ba boiboi, bona Iehova baine haere;ba tai henia, bena ia baineto “Lau o ina”.Bogaragimui amo maduna boma abia oho,bona heduanai mataka-mataka bona hereva dikadia danu;
10 sibomui boma hebubu dua, hitolo taudia daidiai,bona hisi e animu taudia na edia ura ḡaudia ba henidia;bena emu diari na dibura ai baine hedinarai,bona emu vabura na dina tubua ai bainela.
11 Iehova ese baine hakaumu hanaihanai,bona ḡau namodia amo emu ura baine haḡuḡurua,bona turiamu baine ha-aukadia;bena e dairia louloumu umana heḡereḡerena ai baola,ranu-lohilohi gabuna, ranuna se kororomu ḡauna, na heto.
12 Emui hanua gunadia, vada e vahu ḡaudia, na bae hahegini lou,bona uru momo ba havaradia matama;bae gwauraimu “e ḡiḡi dobi gabuna ibanina tauna”,bona “taunimanima edia noho gabudia ihagini-loudia tauna”.
Dina Helaḡa ibadinana
13 Dina Helaḡa ai aemui boma naridia, bona sibomui emui ura basioma kara egu dina helaḡana lalonai;bona Dina Helaḡa na moale dinana bona Iehova ena dina helaḡana na hemataurai dinana boma gwauraia;boma matauraia, sibomui emui dala ai basioma raka, sibomui emui ura basioma tahua, bona basioma hereva kava hereva kava;
14 bena Iehova ba moalelaia,bona lau ese tanobada ena gabu badadia ai baina hakaumui;senemui Iakob ahuna amo baina ubumui,badina be Iehova uduna vada e hereva.
