Nahumu 1:1-15
1 Maduna metauna Nineve latanai; Nahumu, tau Elkoso, ena mata-hanai bukana.
2 Iehova na vaḡeḡe bona hadava Diravana,Iehova na dava e hadavamu mai baduna ida.
Iehova ese ana inai taudia e hadava henidiamu;ia inaina e badu henidiamu.
3 Iehova ena badu na se vara haraḡamu,ena goada na herea;Iehova ese kerere taudia maorodia basine gwaurai,lasi ona lasi vaitani.
lena dala na koe-hirihiri ai bona lai gubana ai,ori na ia aena ḡahuna.
4 Ia ese davara e gwau heniamu, e hakororoamu,sinavai iboudiai e hakororodiamu;Basan bona Karamele e geaka-geakamu,Lebanon burena e maraimu.
5 Ia vairanai ororo e heude-heudemu,bona ororo komutadia e vevemu;ia vairanai tano na e vahumu,tanobada mai inoholaina taudia iboudiai ida danu.
6 lena badu vairanai daika baine gini?
Ena badu ḡaraḡarana ai daika baine haheauka?
Ena badu na e seia dobimu lahi na heto;haga nadidia ia ese e hapararadiamu.
7 Iehova na namo,ia na gabu aukana hekwakwanai dinana ai;enai e roho maurimu taudia na e dibadiamu.
8 A utu-utu badana amoia ese ana inai taudia baine ha-oredia vaitani,bona inaina na baine hahavadiaela bona dibura lalonai.
9 Dahaka o lalo hatalaiamu, Iehova ihadikana?
Ia ese inaina baine habuadia tari vaitani.
Ia ese ia inaina basine hadava henidia nega harua.
10 Au giniginidia heromedia na heheto e aradia oremu,eiava rei kakoro na heto.
11 Iehova ihadikana dalana e lalo hatalaiabona kara dika e hahealolaia tauna ta oiemu amo se lasi a?
12 Iehova ini e gwau tomamu:
Ena be idia na gogoada bona huhutuma,to bae henege daure bona bae puki oho.
Ena be vada na hahisihisimu,to basina hahisihisimu lou.
13 Harihari iena maduna oi paḡamu ai na baina hakwaidua,bona iḡuimu varodia baina hamotudia.
14 Iehova ese oi vada e haḡanilaimu, e tomu:
Ini amo oi ladamu basine hesiriu;emu dirava edia dubu lalona amoe koroa bona e hahetaria kaivakukudia baina negedia daure;oiemu guri baina ḡeia,badina be oi na dika rohoroho.
15 A itaia, hari namodia e mailaidiamu tauna,maino e harorolaiamu tauna,aena na ororo ai.
Iuda e, emu aria ba kara,emu gwauhamata anidia ba kara,badina be kara dika tauna ese nega ta ai basine tuari henimu lou,ia na vada e henege daure vaitani.
