Obadia 1:1-21
1 Obadia ena mata-hanai binai.
Ḡaubada Iehova ese Edom na ini e herevalaia tomamu:
Hari na Iehova ena amo vada a kamonai,bona gwaukau tauna na bese idau-idau bogaragidiai vada e siaia, eto:
A tore isi, baita tuari henia.
2 A itaia, lau ese bese idau-idau bogaragidiai baina hamaraḡimu,idia ese bae dadaraimu vaitani.
3 Lalomu hekokorokuna ese vada e dibaḡanimu,hagahaga kohuadia ai o nohomu taumu;emu noho gabuna na atai ai, bona lalomu ai o tomu“Daika ese baine verigu dobi tano ai?”
4 Ena be atai ai o rohomu ugava na heto,ena be emu ruma na hisiu bogaragidiai e miamuto unu amo baina verimu dobi.
Iehova na e herevamu.
5 Henao taudia bema vasi,eiava dadidadi taudia hanuaboi ai bema kau,daka hahebua-tarina!
To edia dabu heḡereḡerena mo bema henao ani?
Vine huahuadia igogodia taudia bema vasi,to vine momorudia bema rakatani ani?
6 Esau madi vada e dadihaia,ena taḡa vada e dadia.
7 Idurumu taudia iboudiai ese vada e koimu,vada e lulumu lao ela bona tano hetoana;bamomu ese vada e hadareremu,turamu, o abidadama henidia taudia, ese vada e idoamu;tau ta ese basine lalo-pararalaia diba.
8 Iehova na e tomu: Una dina aiaonega taudia Edom lalona amo baina habuadia tari,bona lalo-parara na Esau ororona amo danu, ani?
9 Teman e, emu goada taudia kudoudia bae hetaha,Bena Esau ororona amo baema taudia iboudiai na bae aladia ore.
10 Tadimu Iakob o daḡedaḡe henia dainai,hemarai ese baine ḡovamu ahu,bona ba henege daure hanaihanai.
11 Oi o gini edea dinana ai,idau taudia ese ena taḡa e huaia laobona idau gabu taudia ese ia iduarana ai e raka vareaibona Ierusalem iabilaina maridia e kara dinana ai,oi na idia heḡereḡeredia ta.
12 A tadimu ena dina, ena hisihisi dinana,basioma kirikirilaia;bona Iuda taudia na e hebua tari dinanabasioma moalelaia;hahehisi dinana aibasioma hekokoroku.
13 Egu bese ena ikoukou ai basioma raka vareai,hahehisi na ienai e kau dinana ai;ia ihadikana basioma kirikirilaia,hahehisi na ienai e kau dinana ai;ena kohu basioma dadia,hahehisi na ienai e kau dinana ai.
14 Dala katakata ai basioma gini,ena heau taudia iala-masedia totona;ena roho-mauri taudia na inaidia imadia ai basioma atodia,hisihisi dinana ai.
15 Badina be Iehova ena dina vada eme kahikahi,bese idau-idau iboudiai latadiai.
Vada o kara heḡereḡerena ai bae kara henimu;emu kara na oi sibomu kwaramu ai ma baine kau.
16 Badina be egu ororo helaḡana ai vada o inuinu heḡereḡerena aie noho hetabiramu besedia iboudiai na bae inuinu;bae inuinu, bae raraga,bena basiema mauri heḡereḡerena ai baela.
Israel iabi-daena
17 A Siona ororona ai haida do bae roho mauri,bena ororo na baine helaḡa;bona Iakob ena iduhu taudia esesibodia edia kohu bae abidia.
18 Iakob iduhuna na lahi ai bainela,bona Iosef iduhuna na lahi hururu-hururuna ai bainela,bona Esau iduhuna na rei kakoro ai bainela;bena bae aradia, bae aradia ore,Esau iduhuna lalona amo tau ta basine roho mauri;badina be Iehova vada e hereva.
19 Diho kahana taudia ese Esau ororona bae abia,bona Sefela taudia ese Filistia taudia edia tano bae abia;Efraim tanona bona Samaria tanona bae abidia,bona Beniamina ese Gilead baine abia.
20 Hala ai e hanohodia taudia hahidaosi Israel besena amo eseFoenikia bae abia ela bona Sarefata;bona Ierusalem amo e abidia oho, Sefarad ai e hanohodia, taudia ese diho kahana hanuadia bae abidia.
21 Hahemauri taudia na Siona ororona ai bae dara dae,Esau ororona ilohiana totona; bona basileia naIehova ena basileia ai bainela.