Salamo 114:1-8
114 Israel na Aigupto amo e raka lasi,Iakob besena na gado-idau taudia edia amo e raka oho,
2 una negana ai Iuda na ena gabu helaḡana ai ela,Israel na ena basileia ai ela.
3 Davara e itaia, bena e heau,Ioridane sinavaina e lou ela;
4 ororo badadia e roho isi roho isi, mamoe mamaruanedia na heheto,bona ororo maraḡidia mamoe-mamoe na heheto.
5 Davara e, oi be edeheto, be o heaumu?
Ioridane e, oi danu edeheto, be o Ioumu?
6 Ororo badadia e, umui be edeheto, be o roho isi roho isimu, mamoe mamaruanedia na heheto?
Ororo maraḡidia e, umui danu edeheto, be mamoe-mamoe na o hetomu?
7 Tanobada e, Ḡaubada vairanai a heude-heude,Iakob ena Dirava vairanai.
8 Ia ese haga-nadina na gohu ai e halaoa,vasiga na ranu e lohilohimu gabuna ai e halaoa.
