Salamo 47:1-9
47 Bese idau-idau iboumui ai, imamui ba poupou;Dirava ba lolo henia, moale anedia ba lololai.
2 Badina be Iehova, Herea Mikamika, na mai garina;ia na Pavapava badana, tanobada idoinai e lohiaiamu.
3 Ia ese bese idau-idau ita henudai vada e hamanadadia,orea idau-idau aeda henudiai vada e atodia.
4 Ia ese ahuda vada e abia hidi,ena lalokau tauna Iakob ena heaḡi. (Selah)
5 Dirava na mai lolona ida vada e dae,Iehova na mai kibi reḡena ida vada e dae.
6 Dirava ba hanamoa, ia ihanamolaina anedia bavabi;eda Pavapava ba hanamoa, ia ihanamolaina anedia bavabi.
7 Badina be Dirava na tanobada idoinai pavapavana;salamo amo ba hanamoa.
8 Dirava ese bese idau-idau e lohiadiamu;Dirava na ena terono helaḡana ai e helaimu.
9 Bese idau-idau lohiadia e heboumu,Abraham ena Dirava ena bese ai baela.Badina be tanobada kesidia na Dirava ena;ia bae imodaia bada.
