Salamo 70:1-5
70 Dirava e, a harohogu mauri,Iehova e, ba durugu haraḡa.
2 Lauegu mauri iabi-ohona dalana e tahuamu taudia naba hahemaraidia bona ba haheḡonudia;ihahisigu e uramu taudia naba haloudia bona ba hahemaraidia.
3 E gwau henigumu, e tomu “Aha, aha”, taudia naedia hemarai dainai bae kudou hetaha.
4 E tahumumu taudia iboudiai nabae moale, oi bae moalelaimu;emu hahemauri e ura heniamu taudia nabae hereva loulou, baeto “Dirava na herea-dae”.
5 A lau be na ogoḡamimu bona na dabumu;Dirava e, aoma haraḡa dekegu ai.Oi na lau ikahagu bona lau ihamaurigu;Iehova e, basio halahe.