Salamo 81:1-16
81 Ane avabia lolololo, eda goada Diravana ena;a hisi dae, Iakob ena Dirava enai.
2 Ane a ladaia isi, tareko a hareḡedia;gitara bona hatai-hatai ḡauna badana danu a hatai.
3 Hua matamatana negana ai kibi a hiriria,hua e idoi negana ai danu,eda aria dinana bunai.
4 Badina be taravatu bunai Israel ena;Iakob ena Dirava ena haheḡani bunai;
5 ena hahediba herevana Iosef e henia,Aigupto ai e loa eva-eva negana ai.
Asi dibagu gadona ta na kamonaia;
6 Maduna na paḡamu amo na abia oho,imamu na bosea amo na kokidia.
7 Emu hisihisi ai o boi henigu, bena na hamaurimu;guba rahu-rahu ena gabu hehunina ai na haere henimu,Meriba ena ranu gabudia ai na tohomu. (Selah)
8 Egu bese taumui e, a hakala, baina sisiba henimui;Israel e, boma kamonai henigu bema namo.
9 Bogaragimui ai dirava idauna ta basine noho,idau taudia edia dirava ta basio toma henia diho.
10 Lau binai Iehova, emui Dirava,Aigupto amo na hakaumui lasi.Udumui a haḡadia, bena baina hahonudia.
11 A egu bese taudia na gadogu asie kamonaia;Israel ese e dadaraigu.
12 Taunabunai na negedia,sibodia edia lalo-auka bae badinaia,sibodia edia lalo-hadai karadia bae kara.
13 Egu bese taudia bema kamonai henigu bema namo;Israel na egu dala ai bema raka bema namo.
14 Bena idia inaidia bama hadareredia haraḡa,e tuari henidia taudia bama tuari henidia.
15 Iehova e inai heniamu taudia na ia vairanai bema igo diho;matadia ihakanidia bema hesiriu hanaihanai.
16 Uit namo-hereana amo bama ubumui,bada-ranuna nadi amo e abiamu na bama ubulaimui.