Salamo 98:1-9
98 Ane matamatana avabia, Iehova ena;ia ese hoa karadia vada e kara.
Ia imana idibana, ia imana helaḡana esekwalimu vada e abia, ena.
2 Iehova ese ena kwalimu vada e hahedinaraia,ena kara maoromaoro vada e hamomokania, bese idau-idau vairadiai.
3 Ena hebogahisi bona ena heabidadama Israel garana ediaivada e lalo tao; tanobada dokodia iboudiai eseeda Dirava ena kwalimu vada e itaia.
4 Iehova ba moale hisi dae henia, tanobada idoinai;moale anedia ba lada isi, hahenamo anedia bavabi.
5 Gitara anedia amo Iehova ba hanamoa,gitara bona ane reḡedia amo;
6 kibi badadia bona kibi maraḡidia reḡedia amo ba moale hisi dae,Pavapava Iehova vairanai.
7 Davara reḡena baine dae, bona e hahonuamu ḡaudia iboudiai,tanobada, bona e noholaiamu taudia iboudiai.
8 Abata na imadia bae patapata,ororo na moale anedia bae abi hebou
9 Iehova vairanai.
Badina be ia na e maimu,tanobada baine biagua totona;ia ese tanobada baine hahemaoro henia mai maoromaorona ida,bona bese idau-idau ahudia korikoridia baine henidia.