Sefania 3:1-20
3 Gwau-edeede hanuana, vada e miro hanuana, daḡedaḡe hanuana, madi ihabaina!
2 Gado ta se kamonaimu, sisiba ta se abia daemu,Iehova se abidadama heniamu, ena Dirava se raka henia kahimu.
3 Ena heitatao taudia ia lalonai na e ḡoumu leonadia na heheto;ena hahemaoro taudia na tano-ḡaḡaena uda-sisiadia,ḡau ta basine mia rani.
4 Ena peroveta taudia na e gwau edeedemu,idia na asi edia heabidadama;ena hahelaḡa taudia ese helaḡa ḡaudia e hamirodiamu,idia ese taravatu e daḡedaḡe heniamu.
5 Ia lalonai Iehova na e kara maoromaoromu,kara kerere ta ia ese se karaiamu.
Daba iboudiai ia ese ena hahemaoro ḡoevaḡoeva e hahedinaraiamu,daba matadia ta ta ai ia na se helalo reamu;a kara gageva-gageva tauna na asi hemarai dibana.
6 Bese idau-idau vada na negedia daure,edia maḡu vada eme heḡiḡi dobi;edia ariara vada na havahudia,bena ta ese se raka-rakalaidiamu;edia hanua iboudiai vada e hahevahu,asi tauna ta lalodiai; ta ese se noholaidiamu.
7 Lau nato “Momokani, ia ese baine gari henigu,sisiba baine abia dae;lau ese vada na hadibadibalaidia ḡaudia iboudiai naia ese basine lalodia nege”;a idia na lalodia e ura dikadikamulebulebu karadia mo bae kara e tomu.
8 Iehova na e tomu:
Taunabunai, lau ba narigu;lau baina tore isi, baina hereva hedinarai,dinana ba naria.badina be lalogu vada na hadaia, bese idau-idau baina gogodia,basileia idau-idau danu baina haboudia,egu badu na idia latadiai baina bubua dobi totona,egu badu ḡaraḡarana idoinai.
Badina be egu vaḡeḡe baduna lahina aitanobada idoinai baine heara oho.
9 Oibe, una negana ai bese idau-idau gadodia baina ha-idaudia, gado ḡoeva-daena ai baina halaodia;bena idia iboudiai ese Iehova ladana bae hahanea,bona ia isiaina bae lao heni mai lalodia tamona ida.
10 Etiopia sinavaidia unukahadia amo,ela bona gabu daudaudia mirigini kahana ai,idia ese herahia ḡaudia na lauegu bae mailai.
11 Una dina ai ta ese basine hahemaraimu,o daḡedaḡe henigu karadia daidiai;badina be una negana ai emu hetataro taudia nabogaragimu amo baina abidia oho.
Bena oi na basio hekokoroku lou, egu ororo helaḡana ai.
12 Badina be bogaragimu ai bese ta baina hanohoa,lalo-manau bona lalo-manada besena.
Idia ese edia roho-mauri gabuna bae tahua, Iehova ladana ai.
13 Unu na Israel kwabukwabudia:
kara dikana ta basie karaia,hereva koikoina ta basie gwauraia;bona ududia amohereva koikoi basie lasi.
Badina be idia na bae aniani, bae hekure nege,bona ta ese basine hagaridia.
14 Siona kekenimu e, ane avabia badabada!
Israel e, a lolo!
Ierusalem kekenimu e, ba moale, ba heimodai, mai lalomu idoinai!
15 Iehova ese ena hahemaoro herevadia na oi latamu amo vada e abia oho;ia ese oi inaimu vada e tahodia lasi.
Iehova, Israel pavapavana, na bogaragimu ai;dika garina basio gari lou.
16 Una dina ai Ierusalem bae hereva henia, baeto:Siona e, basio gari;imamu ba ha-aukadia, basio manoka.
17 Iehova, emu Dirava, na bogaragimu ai,ia na tuari lohiana, kwalimu e henimu;ia ese baine moalelaimu mai moale-badana ida,ena lalokau ai ia ese baine hamatamatamu;ia ese baine heaḡilaimu mai ane lolona ida,
18 aria dinana ai na heto.
Hahedika na oiemu amo baina abia oho,una hahedika gwauna basio huaia helaoreana.
19 A itaia, una negana ai e daḡedaḡe henimumu taudia iboudiai na lau ese davadia baina henidia.Ae-hedairike taudia na baina hamauridia,bona e hakarohodia taudia na ma baina haboudia;edia hemarai na heimodai ai bona hari namo ai baina halaoa,tanobada idoinai latanai.
20 Una negana ai lau ese emui gabu korikori ai baina hakaumui vareai,emui noho ihanamo-louna na matamui amo ba itaia negana ai.
Oibe, harimui baina habadaia, bona i’imodaimui danu,tanobada besedia iboudiai bogaragidiai,emui noho ma baina hanamoa lou negana ai.
Iehova na unu e gwau tomamu.
