ATENDAN TAUDIA Atendan taudia na oi be durumumu. Idia ese motuka tu gabuna, raka gabuna, helai gabuna bona ma ḡau haida e gwauraimu neganai, mani idia edia hereva ba badinaia.

BAPATISO Bapatiso abi taudia edia helai gabudia na steig o platfom vairanai. Saturday dabai bapatiso tok do se heni lalonai, idia na unuseniai bae helai haraḡa. Idia ta ta ese tauel ta bona digudigu dabua maorona bae mailai na namo.

FIRST AID Mani ba helalotao ina First Aid Department na EMERGENCIES ONLY heduruna mo be henimu.

HELAI GABUDIA Mani emu kara, taunimanima haida danu ba lalodia. To, bema o uramu emu ruma bese o varavaramu, eiava motuka tamona ai o gui hebou taudia, eiava ruma tamona ai o noho heboumu taudia, o emu Baibul stadi taudia totodia helai gabudia haida bavabi heḡaeḡae, unu ba kara toma na asie ena kerere. Mani emu kara, so abi hidimu helai ḡaudia latadia ai kohu ta na basio atoa kau.

KONTRIBIUSIN Ina hebou baita moalelaia bona ina hebou ese baine duruda Iehova baita hetura henia helaoreana, orea na moni taina e negea helai ḡaudia, sound system ta, video equipment iabidia totona. Bona emu kontribiusin monina amo dia ḡau unuhetomadia mo davadia a karamu, lasi, to emu kontribiusin ese worldwide work e duruamu danu. Kontribiusin mauadia na gabu ta ta ai bo itamu, idia ta ai emu moni ba udaia diba. Gavanin Bodi ese oi e tenkiu henimumu badina emu harihari ḡaudia amo Basileia o duruamu.

LOST AND FOUND Bema ḡau ta o davarimu bona biaguna asi dibamu, mani Lost and Found Department ba henia. Bema emu kohu ta e boio, una dipatment ba nanadaia. Bema natu maraḡidia ta o davaria bona tamana o sinana e tahuamu, namona na e boio natuna na una dipatment ba laohaia. To, metau unuhetomadia basie vara totona, natumui na mani ba matadia tao, bona nega iboudiai dekedekemui ai bae noho na namo.

VOLUNTEER SERVICE Bema oi na o uramu hebou gabuna ai ḡaukara ta ai ba heduru, mani Information and Volunteer Service Department ba itaia.

BASILEIA EVANELIA SKUL Bema painia taudia laḡanidia 23 ela 65 e uramu edia haroro ḡaukara bae habadaia, namona na Sunday adorahi ai Basileia Evanelia Skul hebouna baema. Una hebou bae karaiamu taimina bona gabuna na be boilaimu.