ATENDAN TAUDIA Ini atendan taudia ese oi be durumumu. Idia ese motuka tu gabuna, raka gabuna, helai gabuna bona ma ḡau haida e gwauraimu neganai, mani idia edia hereva ba badinaia.

BAPATISO Bapatiso abi taudia edia helai gabudia na steig o platfom vairanai. Saturday dabai bapatiso tok do se heni lalonai, idia iboudiai unuseniai bae helai haraḡa na namo. Idia ta ta ese tauel ta bona digudigu dabua maorona bae mailai na namo.

FIRST AID Mani ba helalotao ina First Aid Department na EMERGENCIES ONLY heduruna mo be henimu.

HELAI GABUDIA Mani emui kara, ma taunimanima haida edia namo danu ba lalo. To, bema o uramu emu ruma bese o varavaramu, eiava motuka tamona ai o gui hebou taudia, eiava ruma tamona ai o noho heboumu taudia, o emu Baibul stadi taudia edia helai gabudia bavabi hidi heḡaeḡae, vada unu ba kara toma na asie ena kerere. To taunimanima edia sea latadiai na gau ta o kohu ma ta basio atoa kau.

KONTRIBIUSIN Ina hebou baita moalelaia bona ina hebou ese baine duruda Iehova baita hetura henia helaoreana, orea ese moni bada e negea helai ḡaudia, sound system ta, video equipment namodia baita ḡaukaralaidia totona. Ina hebou ena gabu idauidau ai na kontribusen mauadia bo itamu, bona una maua ta ai emu moni ba udaia diba. Eiava bema o uramu credit eiava debit kadi amo emu kontribusen ba henia, vada baola donate.pr418.com. Gavanin Bodi ese oi e tenkiu henimumu badina emu harihari ḡaudia amo Basileia ena ḡaukara idauidau o durumu.

LOST AND FOUND Bema ḡau ta o davarimu, mani Lost and Found Department ba henia. Bema ḡau ta o haboioa, ina dipatment ba itaia. Bema natu maraḡidia ta na o davaria eiava tamana o sinana e tahuamu, mani una natu na ina dipatment ba laohaia. To, metau unuhetomadia basie vara totona, mani natumui na ba matadia tao, bona hanaihanai dekedekemui ai bae noho be namo.

VOLUNTEER SERVICE Bema oi na o uramu hebou gabuna ai ḡaukara ta ai ba heduru, mani Information and Volunteer Service Department ba itaia.

Basileia Evanelia Sikul Bema painia taudia laḡanidia 23 ela 65 e uramu edia haroro ḡaukara bae habadaia, namona na Sunday adorahi ai Basileia Evanelia Sikul hebouna baema. Una hebou be karaiamu taimina bona gabuna na be boilaimu.