“Tanobada idoinai na dika tauna imana ai.”​—1 Ioane 5:19, Buka Helaḡa.

“Dirava Natuna e hedinarai badina binai: diabolo ena kara dika baine ha-orea.”​—1 Ioane 3:8.

Tanobada ai hekwakwanai idauidau e varamu badidia e hadibadamu.​—Apokalupo 12:12.

Eda tanobada be namo loumu badidia e hadibadamu.​—1 Ioane 2:17.

Oibe, ini badi toi daidiai:

• Satana na basine lohia loumu. Iehova na lalona vada e hadaia Satana baine haorea, taunimanima basine lohiadia lou totona. Dirava ena gwauhamata na Diabolo baine “hadarerea,” bona Satana ese e hadika ḡaudia iboudiai baine hanamodia lou.​—Heberu 2:14.

• Dirava ese Iesu Keriso e abia hidi tanobada baine lohiaia. Satana Diabolo na daḡedaḡe bona sibona ena namo e laloamu lohiana, to Iesu na dia unu heto. Dirava ese Iesu ena lohia dalana na ini e gwauhatamalaia toma: “Ia ese manoka-manoka taudia bona ogoḡami taudia e bogadia hisimu . . . Daḡedaḡe bona ala-ala amo ia ese edia mauri e rauadiamu” o e hamauridiamu.​—Salamo 72:13, 14.

• Dirava na se koikoimu. Baibul e tomamu: “Dirava ese basine koida diba.” (Heberu 6:18) Iehova ese ḡau ta e gwauhamatalaiamu neganai, e haḡuḡuruamu! (Isaia 55:10, 11) “Ina tanobada lohiana bae lulua lasi.”​—Ioane 12:31.