HAHEDIBA AI BA HALAODIA
LESEN 10
Emu Gwauhamata Ba Badinaia
Hahekau Herevana: “Lalomai e urava dia Dirava ena sivarai namo mo baiama henimui, a laumamai danu; badina be a lalokau henimuiva.”—1 Tes. 2:8.
Iesu be Dahaka E Kara?
1. VIDIO ba itaia, eiava Ioane 3:1, 2 ba duahidia. Bena ini henanadai ba haerelaidia:
-
Dahaka dainai Nikodemo ese hanuaboi ai Iesu e vadivadia?—Ioane 12:42, 43 ba itaia.
-
Edena dala ai Iesu ese e hahedinaraia, ia na e ura Nikodemo na hahediba ai baine halaoa?
Iesu Ena amo Dahaka Ta Dibamu?
2. Taunimanima ta lalokau henidiamu dainai ta uramu baita durudia hahediba ai baela.
Iesu Ba Tohotohoa
3. Emu Baibul stiuden ese e abia hidi negana bona gabuna ai ba stadi. Wiki lalonai ia ese e abia hidi dinana bona taim ai ba stadi. Ia be e uramu ena ḡaukara gabuna ai, ruma ai eiava pablik gabuna ma ta ai ena stadi ba karaia, a? Bema mai dalana, namona na emu sediual ba haidaua unu amo stiuden ese e abia hidi negana bona gabuna ai ba stadi.
4. Emui stadi negadia na basio readia. Bema stadi o karaiamu dinana ai oi na gabu ta bo laomu, emui stadi na basio kensoloa. To mani ini henanadai ba lalodia:
5. Lalohadai maorona iabina totona ba ḡuriḡuri. Iehova ba noia baine durumu emu stiuden na dounu ba durua, ena be nega haida ena stadi na e readiamu eiava e hekwarahimu e dibamu ḡaudia baine badina. (Fili. 2:13) Danu, emu stiuden ena kara namodia na momo; Iehova ba noia baine durumu unu kara namodia ba lalodia.
