HEREVAHEREVA BA HAMATAMAIA
LESEN 4
Ba Manau
Hahekau Herevana: “Ta ta sibomui ba hahemanau, bamomui ba imodaidia.”—Fili. 2:3.
Paulo be Dahaka E Kara?
1. VIDIO ba itaia, eiava Aposetolo Edia Kara 26:2, 3 ba duahidia. Bena ini henanadai ba haerelaidia:
-
Paulo ese King Agripa e hereva henia neganai, edena dala ai sibona e hahemanau?
-
Edena dala ai Paulo na sibona se heimodai, to Iehova e imodaia bona Dirava ena Hereva e ḡaukaralaia?—Aposetolo Edia Kara 26:22 ba itaia.
Paulo Ena amo Dahaka Ta Dibamu?
2. Bema mai manauda bona mai hematauraida ida baita herevamu, taunimanima ese ta harorolaiamu herevana na be kamonaiamu.
Paulo Ba Tohotohoa
3. Emu hereva ba haheatodia namonamo. Dia namo o hereva heniamu tauna na baine laloa ia na ḡau ta asi dibana, to mai hematauraimu ida ba hereva henia.
4. Ba hahedinaraia o hahedibalaimu herevadia na Baibul amo. Dirava ena Hereva ese taunimanima kudoudia baine hamarere diba. Bema Baibul baita ḡaukaralaiamu, idia ese Dirava ena Hereva be abidadama heniamu, dia iseda hereva.
5. Basio heai. Bema ta na se uramu baine kamonai, basio doria o herevalaiamu ḡauna baine abia dae, badina asita uramu baita heai. Manau karana ba hahedinaraia bona heai do se hematama lalonai ba raka oho. (Her. 17:14; Tito 3:2) Bema gado namo ai baita herevamu, reana ma nega ta ai be uramu eda hereva baine kamonai.
