APENDIKS
Kristen Taudia ese Tomadiho Lalonai Korosi Bae Ḡaukaralaia be Namo, Eiava?
TAUNIMANIMA milioni momo ese korosi na e ura heniamu bona e matauraiamu. Buka ta (The Encyclopædia Britannica) ese korosi na e gwauraiamu “Kristen tomadihona toana badana.” To, Kristen taudia ese tomadiho lalonai korosi bae ḡaukaralaia be namo, eiava?
Mai anina bada ḡauna na Iesu Keriso na dia korosi ta ai e mase. “Korosi” na nega momo Grik gado herevana stau·rosʹ amo e hahanaia. Ia anina korikori na “au maoromaorona ta eiava du.” Buka ta (The Companion Bible) na ini e gwau tomamu: “[Stau·rosʹ] anina na dia au rua e atodia baribara . . . Grik gado ai e tore revarevadia [Taravatu Matamatana] ai danu timba rua na se herevalaidia.”
Siri haida ai, Baibul itorena taudia ese Iesu e mase ḡauna e herevalaia neganai, hereva ma ta e ḡaukaralaia. Una na Grik herevana Kara 5:30; 10:39; 13:29; Galatia 3:13; 1 Petro 2:24) Una hereva anina na “au ta.”
xyʹlon. (Hermann Fulda ese e torea bukana (The Cross and the Crucifixion) ai, tau ta ihamasena totona au ta e ḡaukaralaiava badina e herevalaia neganai, e gwa: “Taunimanima bae hamasedia gabudiai au na lasi. Una dainai du ta na tano ai e holoava. Una du ai, raskol taudia e taudia daeva, imadia be ataiai bona aedia be henu ai e ḡuidiava eiava e kokodiava.”
To, Dirava ena Hereva ese una na e hahedinaraia ḡoevaḡoeva. Aposetolo Paulo na e gwa: “Taravatu ena hahedika amo Keriso ese vada e hamaurida; ia be dika tauna ai ela, ita iboloda. Badina be Buka Helaḡa ai vada e torea, eto, Au ai e taudia dae taudia iboudiai vada e dika.” (Galatia 3:13) Paulo na Deuteronomi 21:22, 23 ena hereva e gwauraia, una siri ese au e herevalaia, to dia korosi. Unu e hamasea tomava tauna na e gwauraiava “dika” tauna, una dainai Kristen taudia ese edia ruma ihaherana totona, Iesu na korosi ai e tauadae laulauna bae atoa na dia maoro.
Keriso e mase bena laḡani 300 muridiai, ḡau ta ese se hamomokania, sibodia e hegwauraiva Kristen taudia ese tomadiho lalonai korosi na e ḡaukaralaiava. To, laḡani 300 murina laḡanidia ai, Pavapava Constantine, dirava koikoi e tomadiho heniava tauna, na hereva momokani e dadaraia oreana ai e vareai bena korosi e ḡaukaralaiava. Ena be Constantine na unu e kara toma, to Iesu Keriso na dia korosi ai e mase. E hahedinaraiamu, korosi iḡaukaralaina karana na dirava koikoi e tomadiho henidiamu taudia ese e hamatamaia. Buka ta (New Catholic Encyclopedia) na e gwa: “Korosi na Kristen negana do se hematama ai bona dia Kristen tanodia ai e nohova taudia ese e ḡaukaralaiava.” Diba bada taudia haida na e gwa, nadi, au eiava unu bamona ḡaudia itomadiho henidia karanai, bona dirava koikoi e tomadiho henidiamu taudia edia matabodaḡa karadiai korosi na e ḡaukaralaiva.
To, dahaka dainai korosi e ḡaukaralaiava? Badina una dala amo dirava koikoi e tomadiho henidiava taudia ese sibodia e hegwauraiva Kristen taudia bae abidia dae. To, dirava koikoi e tomadiho henidiamu taudia ese e ḡaukaralaimu ḡaudia 2 Korinto 6:14-18) Danu, Baibul ese kaivakuku itomadiho henidia karana na e taravatua. (Esodo 20:4, 5; 1 Korinto 10:14) Una dainai, Kristen taudia ese tomadiho lalonai korosi bae ḡaukaralaia na dia maoro. *
itomadiho henidia karana na Baibul ese e gwauraia dika. (^ par. 5 Korosi herevana ma haida ba diba totona, Buka Helaga Herevalaia bukana, rau 249-253 ba itaia. Iehova ena Witnes taudia ese e karaia.