Baibel na e peroveta, Keriso baine mase murinai Keristani taudia ginigunadia padadiai haida na hereva momokani bae hagagevaia. (Kara 20:29, 30) Gabeai, una na e vara momokani. Idia ese Iesu ena hahediba herevadia na Dirava momokanina e dadaraiamu taudia edia lalohadai ida e hatamonadia, bena tomadiho koikoi na unu amo e matama. (2 Timoteo 4:3, 4) Hari ina negai, ede baita diba toma ta abidaemu herevadia na Baibel ena hereva heḡereḡerena?

Iehova ese hereva momokani e hahedinaraia. Ia na e peroveta, “dokona negana” ai ‘lalo-parara baine bada.’ (Daniel 12:4) Laḡani 1870 ai, hereva momokani e tahuava grup maraḡina ta na e lalo-parara, dubu momo edia hahediba herevadia na dia Baibel ena hereva heḡereḡerena. Una dainai, idia ese Baibel ena hereva momokanidia e tahu matama, bena Iehova ena heduru amo hereva momokani e lalo-pararalaia.

Tatau haida ese Baibul e stadilaia namonamo. Bible Student taudia (eiava Iehova ena Witnes taudia) ese stadi dalana ta e matamaia—una dala na doini a badinaiamu. Idia ese Baibel ena topik ta ta e stadilaiva. Siri ta se lalo-pararalaiava neganai, siri ma haida ai anina e tahuava. Unu siri anidia e heḡereḡereva neganai, e tore dihova. Una dala amo e davari lou hereva momokanidia bini, Dirava ladana, Basileia, ena ura tanobada bona taunimanima ediai, mase taudia ediai e varamu ḡauna, bona toreisi lou helarona. Edia hetahu karana ese kara koikoidia bona hereva koikoidia momo amo e ruhadia nege.—Ioane 8:31,32.

Laḡani 1879 ai, Bible Student taudia e lalo-parara, taunimanima ediai hereva momokani bae harorolaia na ḡau badana. Una dainai, una laḡani ai Gima Kohorona—Iehova Ena Basileia Ia Harorolaia magasin e halasia matama. Una magasin na doini a halasiamu. Hari, Baibel ena hereva momokani na tano 239 ai bona gado 700 mai kahanai a harorolaiamu. Oibe, momo ese hereva momokani e lalo-pararalaiamu, dia guna bamona.

• Keriso e mase murinai, hereva momokani be ede e heto?

• Hereva momokani be ede a davaria lou toma?