Dirava na e uramu tanobada paradaisona ai moale bona maino ai baita noho hanaihanai.

Reana bo gwaumu: ‘Una be ede be vara tomamu?’ Baibel na e gwaumu Dirava ena Basileia ese baine havaraia, bona Dirava na e uramu ena Basileia bona ena ura na taunimanima ese bae dibadia.—Salamo 37:11, 29; Isaia 9:7.

Dirava na e uramu baita noho namonamo.

Tama namona ta e uramu natuna baine noho namonamo heḡereḡerena, Tamada gubai danu e uramu ita na baita noho namonamo ela bona hanaihanai. (Isaia 48:17, 18) Dirava na e gwauhamata, iena “ura e karaiamu tauna na baine noho hanaihanai.”—1 Ioane 2:17.

Dirava na e uramu ena dala ai baita raka.

Baibel na e gwaumu, ita e Havarada Diravana na e uramu “ena kara baine hadibalaida, ena dala ai baita raka helaoreana.” (Isaia 2:2, 3) “Ia ladana baine nemailaia” oreana e abia hidi, tanobada heḡeḡemadai iena ura baine harorolaia.—Kara 15:14.

Dirava na e uramu lalotamona ai ia baita toma henia diho.

Iehova ena tomadiho ḡoevadaena ese taunimanima se hapararadiamu, a lalokau ai e hatamonadiamu. (Ioane 13:35) Ina negai, daidia be taunimanima e hadibadiamu lalotamona ai Dirava ena ura bae karaia? A uramu ina buklet ai haere ba tahua.