KAROA 1
Iehova Ena Witnes Taudia be Daidia?
Denmark
Taiwan
Venezuela
India
Iehova ena Witnes taudia haida mai dibamu? Ai haida na reana emu neiba, ta ḡaukara heboumu o ta sikuli heboumu, eiava nega ta Baibel ta herevalaia hebou. Ai be daidia, bona dahaka dainai Baibel amo a dibamu ḡaudia na taunimanima a hadibadiamu?
Ai na taunimanima iboudiai heḡereḡeredia. Ai na bese idau-idau amo bona emai mauri daladia na idau-idau. Ai haida na guna emai dubu na idau, bona haida na Dirava asi abiadaeva. Iehova ena Witnes ai do asi ala neganai, ai na Baibel ena hahediba herevadia a tahu namonamo. (Kara 17:11) A diba ḡaudia abidiadae bena ta ta sibomai lalomai a hadai Iehova Dirava baia toma henia diho.
Baibul stadi amo heduru abimu. Taunimanima iboudiai heḡereḡeredia, ai danu hekwakwanai a davarimu bona a kereremu. To a hekwarahimu Baibel ena hahekau herevadia baia badinadia dainai, emai noho na e namo e laomu. (Salamo 128:1, 2) Una dainai, Baibel amo a dibamu ḡaudia na ma haida a hadibadiamu.
Dirava ena hahekau herevadia a badinamu. Baibel ena hahekau herevadia ese e durumaimu tauanimai baia nari namonamo, baia hemataurai, baia hebogahisi bona basia koikoi. Danu, komiuniti lalodiai taunimanima namodiai baiala, kara maoromaoro baia badina, bona ruma bese lalonai lalotamona e havaraiamu. Bona abiadaemu “Dirava ese taunimanima oromadia se lalomu” dainai, ai na ruma bese badana ta bamona iena Hereva ese e hatamonamaimu, bona bese o politikol heaidiai asia vareaimu. Oibe, ai na taunimanima iboudiai heḡereḡeredia mai emai hekwakwanai o manoka ḡaudia, to emai kara amo a hahedinaraiamu ai na idau.—Kara 4:13; 10:34, 35.
-
Edena dala ai Iehova ena Witnes taudia na taunimanima iboudiai heḡereḡeredia?
-
Iehova ena Witnes taudia na Baibel amo dahaka e dibamu?