Keristani taudia ginigunadia e hebouva negadiai, ane e abiva, e ḡuriḡuriva, bona Dirava ena Hereva e duahiva bena e herevalaiva. (1 Korinto 14:26) Ai danu unu a kara tomamu.

Baibel a herevalaiamu. Saturday o Sunday ai, kongrigeisen ta ta e heboumu bena miniti 30 lalonai pablik tok ta e kamonaiamu. Una tok e henimu tauna ese e hahedinaraiamu, edena dalai Baibel na iseda mauri bona ina negai e varamu ḡaudia e herevalaimu. Danu, e noimaimu ia e duahimu Baibel siridia baia keho bona ia baia badinaia. Una murinai, hora tamona lalonai “Gima Kohorona” Stadi a karaiamu, bona kongrigeisen taudia ese henanadai e haerelaimu amo a hahegoada hehenimu. Una stadi ese e durumaimu emai mauri lalonai Baibel baia badinaia. Hanaihanai, tanobada heḡeḡemadai, kongrigeisen 110,000 mai kahana ese Gima Kohorona ena stadi atikol tamona e stadilaiamu.

Taunimanima ihadibadia daladia a dibadiamu. Danu wiki ta ta lalodiai, hanuaboi ta lalonai emai hebou toi a karamu. (1) Kongrigeisen Baibel Stadi be miniti 30 lalonai a karaiamu, bona kongrigeisen taudia ese henanadai e haerelaimu amo e durumaimu, Baibel ena hahekau bona peroveta herevadia baia lalo-pararalai. (2) Tiokratik Haroro Sikuli be miniti 30 lalonai a karaiamu, bona una sikuli ai tadikaka ta na kongrigeisen taudia ida Baibel karoadia (rumai e duahi guna karoadia) e herevalai heboumu. Una murinai, stiuden haida ese tok kwadoḡidia e henimu. Sisiba tadikakana ese emai duahiduahi bona hereva daladia e itamu, bena ihanamodia daladia e gwauraimu. (1 Timoteo 4:13) (3) Hesiai Hebou be miniti 30 lalonai a karaiamu, bona una hebou lalonai tok, haheitalai, bona intaviu ese e durumaimu, edena dalai Baibel amo taunimanima baia hadibadia.

Emai hebou bo maimu neganai, bo moalemu badina ḡau namodia momo na Baibel amo bo dibamu.—Isaia 54:13.

• Iehova ena Witnes taudia edia hebou ai ededia hereva ba kamonai diba?

• Wiki ta ta ai a karamu heboudia amo, o uramu edena hebou baoma?