O uramu Baibel ai hereva haida anidia ba tahu, a? O uramu Baibel siri ta, o Baibel ese e sivarailaia tauna ta, gabuna, o ḡau ma ta ba diba, a? Eiava o uramu Baibel ese baine durumu o lalo-hekwarahilaiamu ḡauna ta ba hanaia totona, a? Namona na Kingdom Hall laiberi baola.

Heduru ḡaudia na momo. Reana emu gado ai e hahanaidia Iehova ena Witnes taudia edia buka bona magasin na dia momo. To, Kingdom Hall laiberi ai pablikeisen matamatadia na momo. Bona, Baibel idauidau, diksenari namona ta, bona ḡau ma haida na mimia. Hebou vairadiai bona muridiai laiberi ba ḡaukaralaia diba. Bema kompiuta ta na mia, ina program Watchtower Library ba ḡaukaralaia diba. Una program ai emai pablikeisen idau-idau bo davarimu, bona topik ta eiava siri ta anina itahuna na dia auka.

Tiokratik Haroro Sikuli ena stiuden e durudiamu. Bema Tiokratik Haroro Sikuli ai do vareai, emu tok o heḡaeḡaelaimu negadiai, Kingdom Hall laiberi ba ḡaukaralaia diba. Sikuli inarina tauna ese laiberi e nariamu, bona e sekemu unuseniai pablikeisen matamatadia mimia eiava, edia gabu korikori ai heheato eiava. Ia eiava oi e stadi henimumu tauna ese o tahuamu herevana itahuna dalana baine hadibamu diba. To, namona na Kingdom Hall laiberi bukadia na basita hamirodia, basita daredia, lalodiai basita toretore, bona eda ruma basita laohai.

Baibel na e gwaumu, “Dirava idibana ba davaria” totona, iena hereva lalonai ba hetahu goadagoada, “e hehunimu kohudia namodia na heheto.” (Hereva Lada-isidia 2:1-5) Kingdom Hall laiberi ai una hetahu karana ba hamatamaia diba.

• Kingdom Hall laiberi ai dahaka heduru ḡaudia mimia?

• Daika ese baine durumu laiberi ba ḡaukaralaia namonamo totona?