Adam bona Heva ese natudia e havara, bona taunimanima hutuma tanobada ai e nohova. Gabeai, aneru haida na Satana ena kahai e gini bona Dirava e gwau-edeede henia.

Unu aneru na tanobada e diho mai bona tanobada tauanidia e abi, unu amo hahine bae adavadia diba. Unu hahine na natudia e havaradia; idia na taunimanima ğağau-babadadia, mai goadadia bona mai dağedağedia.

Tanobada ai kara dika taudia na e hutuma e laova. Baibel na e gwaumu: “Iehova ese taunimanima edia kara havara e itaia, vada e bada herea tanobada ai, edia lalo-hadai iboudiai danu didika.”

Noa na tau namona. Iehova ese Noa e hamaoroa, Ia na utu-utu badana ta amo kara dika taudia baine haoredia.

Dirava ese Noa ma e hamaoroa lagatoi ta, maua latana ta na heto, baine karaia, bona unuseniai ena ruma bese bona animal idauidau baine hakaudia vareai.

Noa ese taunimanima e hadibadiava Utu-utu badana baine kau, to asie kamonaiva. Haida ese Noa e kirikirilaiava, bona ma haida ese e inai heniava.

Noa ese lagatoi e haorea neganai, animal e hakaudia vareai.