KAHA 9
Edena Negai Tanobada na Paradaiso ai Bainela?
Tanobadai e varamu hekwakwanaidia ese e hamomokaniamu, Dirava ena Basileia na kahirakahira bainema. Luka 21:10, 11; 2 Timoteo 3:1-5
Hari negai e varamu hekwakwanai momo na Baibel ese e perovetalai guna. Ia eto, taunimanima na moni bae matağaniğani henia, tamadia sinadia bae gwau-edeede henidia, bae dağedağe, bona moale karadia bae ura heni bada.
Tano mareremarere badadia, tuari, hitolo, bona gabu idauidau ai daihanai goreredia bae vara. Unu ğau na hari e varamu.
Bona Iesu eto, Basileia sivaraina namona na tanobada idoinai bae harorolaia.—Mataio 24:14.
Basileia ese dika ibounai baine haorea. 2 Petro 3:13
Iehova na kahirakahira kara dika taudia iboudiai baine haoredia.
Satana bona demoni na panisi bae abia.
Dirava e kamonai heniamu taudia na bae roho mauri bena tanobada matamatana bae noholaia—una negai bae noho namonamo, bae heabidadama heheni, bona bae helalokau heheni.
You May Also Like
BUKA & BUKLET
O Laloamu Dirava Ena Basileia be Dahaka?
Iesu tanobada ai e nohova neganai, Dirava ena Basileia ese baine kara ḡaudia e hahedinarai ḡoevaḡoeva.
BUKA & BUKLET
O Laloamu Hisihisi Bae Ore?
Baibel na e tomamu Dirava ese hisihisi iboudiai baine haoredia, bona ia ese taunimanima e lalodiamu.
