STADI 14
Point Badadia Ba Hahedinarai Ḡoevaḡoeva
Heberu 8:1
LALOHADAI BADANA: Taunimanima ba durudia emu tok bae kamonai namonamo, bona point badadia ta ta ese tok o henimu badina bona sinadona e sapotiamu dalana ba hahedinaraia ḡoevaḡoeva.
EDE BA KARAIA TOMA?
-
Tok o henimu badina. Emu tok ese ta baine hadibaia, lalona baine veria, eiava baine durua daladia ba lalo guna, bena una heḡereḡerena emu tok ba heḡaeḡaelaia. Bona point badadia iboudiai ese emu tok bo henimu badina bae haḡuḡurua na namo.
-
Emu tok ena sinado ba herevalaia momo. Emu tok ibounai lalonai, tok ena sinado ena hereva badadia na ba gwaurai loulou.
-
Point badadia ba hahedinarai ḡoevaḡoeva. Emu tok ena sinado e sapotiamu point badadia mo ba gwaurai, unu amo kamonai taudia ba hadibadia namonamo diba bona emu taim basio hahanaiamu. Point badadia momo basio gwaurai, o point ta ta ba gwaurai hedinarai namonamo, o point ta ba gwauraia murinai ba laḡa-ani sisina bena point ma ta ba gwauraia, bona point ta ba herevalaia namonamo murinai ma ta ba herevalaia.
