STADI 4
Baibul Siri Ba Gwaurai Namonamo
Mataio 22:41-45
LALOHADAI BADANA: Siri ta do asio duahia neganai, namona na ba itaia kamonai taudia na vada e heḡaeḡae bo duahiamu sirina anina na be lalopararalaiamu.
EDE BA KARAIA TOMA?
-
Siri ba duahi badidia ba lalo guna. Namona na siri ta ta ba gwauraia dalana amo kamonai taudia ba durudia point badana bae dibaia totona.
-
Nega iboudiai Baibul ba ḡaukaralaia. Dirava e abidadama heniamu taudia o hereva henidiamu neganai, namona na ba hahedinaraia Baibul na Dirava ena Hereva, unu amo ba hahedinaraia oi na Dirava ena lalohadai o hahedibalaimu.
-
Kamonai taudia lalodia ba veri siri bae ura henia totona. Siri ese baine haerelaia henanadaina ta ba gwauraia, o siri ese baine hamaoromaoroa hekwakwanaina ta ba gwauraia, o hahekau herevana ta ba gwauraia bena Baibul sivaraina ta ba duahia, unu amo kamonai taudia ba durudia point bae lalopararalaia totona.