Haheitalai namodia ba ḡaukaralai. Iesu heḡereḡerena, ḡau maraḡidia amo ḡau badadia anidia ba hahedinarai, bona ḡau haraḡadia amo ḡau aukadia anidia ba hahedinarai. Haheitalai ena kaha idauidau momo herea basio gwaurai, daradara bae havara garina. Namona na haheitalai ena kaha idauidau na emu hahediba herevana ida bae heḡereḡere, unu amo kamonai taudia ese anina bae lalopararalaia.

Kamonai taudia bae durudia ḡaudia ba lalo. Kamonai taudia edia kara bona edia ura ḡaudia na emu haheitalai lalodiai ba ḡaukaralai diba. To ba henari namonamo, emu haheitalai amo kamonai taudia basio hahemaraidia o lalodia basio hahisi.

Point badana ba hahedibalaia. Emu haheitalai amo point badadia ba hahedinarai; hereva asi anidia na basio gwaurai. Kamonai taudia ese emu tok ena point badana bona haheitalai bae laloatao be namo.