Daidia ba hedavari henidia? Eda Kristen heboudia baema taudia iboudiai​—kamonai taudia bona ita turada gunadia. (Ro 15:7; Heb 13:2) Idia haida na reana hanua idauna ta amo ema tadikaka o taihu ta eiava laḡani daudau lalonai e manoka Kristen tauna ta. Mani a laloa, bema una na oi, emu hemami be ede bamona? Tadikaka taihu ese be hedavari henimumu neganai bo moalemu, ani? (Mt 7:12) Una dainai, namona na hebou do se matama bona baine ore neganai, Kingdom Hall ai ba loaloa bona ma haida ba hedavari henidia, ani? Unu amo lalokau bona hemami namona baine vara bona Iehova baita hanamoa. (Mt 5:16) Momokani, reana nega dainai ema taudia iboudiai ida basita herevahereva dibamu. To, bema ita iboudai ese hebou baema taudia baita hedavari henidia, idia na basie garimu. *

Heabidae karana na nega iboudiai baita hahedinaraia, dia nega badadia heḡereḡere Memorial negadia ai mo. Hebou baema kamonai taudia ese eda Kristen lalokau karana bae itaia neganai, Dirava bae imodaia bona tomadiho ḡoevana bae badinaia diba.​—Ioa 13:35.