Ina laḡani ai, ita na nega bada lalonai baita heḡaeḡae Keriso ena mase ilalotaona hebouna totona. Memorial na wiki lalonai baita abiamu neganai, Mauri Bona Hesiai Ḡaukara Hebouna na una wiki ai basita abiamu. To bema Memorial na wiken ai baita abiamu, pablik tok bona Gima Kohorona Stadi na basita abiamu. Unu dinadia ai emu haroro ḡaukara ba habadaia diba, a? Kristen ginigunadia e karava heḡereḡerena, namona na una hebou badana totona baita heḡaeḡae namonamo. (Luk. 22:7-13; km-MO 3/15 rau 1) To, ita iboudai ese laloda baita heḡaeḡaelai na namo. Edena dala ai?

• Memorial hebouna baita lao henia ena namo baita lalohadailai.​—1 Ko. 11:23-26

• Emu hetura karana Iehova ida ba haeroa bona ba ḡuriḡurilaia.​—1 Ko. 11:27-29; 2 Ko. 13:5

• Memorial anina e herevalai siridia ba duahi bona ba lalodia dobu.​—Ioa. 3:16; 15:13

Pablisa haida na Dina Iboudiai Buka Helaga Tahua buklet ai e hetore Memorial Baibul duahiduahi e karaiamu bona e duahimu ḡaudia e lalodia dobumu. Ma haida be chart ai e hedinarai Baibul siridia e duahimu. To ma haida na, Memorial bona Iehova bona Iesu edia lalokau e herevalai Gima Kohorona edia atikol e riviulaimu. Herevana edena stadi dalana bo abia hidimu, namona na una ese emu hetura karana Iehova bona ia Natuna ida baine hagoadaia.