Iesu na dia ḡoevadae taudia daidiai ena mauri e bouboulaia. (Ro 5:8) Momokani, ta abia daemu Iesu ese e lalokau henidamu dainai ena mauri e heni ita daidai. To, nega haida namona na baita helalotao, Keriso na ita tadikakada dainai danu e mase. Edena dala ai tadikaka bona taihu, dia ḡoevadae taudia ediai Keriso ena lalokau baita hahedinaraia? Mani dala toi aita lalodia. Ginigunana na, edia mauri daladia idauidau taudia baita bamodia. (Ro 15:7; 2Ko 6:​12, 13) Iharuana na, baita henahua toho ma haida ihahisidia herevadia eiava karadia na basita kara. (Ro 14:​13-15) Ginigabena na, bema ta ese e hahisidamu, namona na haraḡa herea edia dika baita gwautao. (Lu 17:​3, 4; 23:34) Bema baita ḡaukara goadamu ini dala toi ai Iesu baita tohotohoamu, Iehova ese kongrigeisen ai maino bona lalotamona be havaraiamu.

VIDIO LADANA MA HAIDA EDIA MAURI BA LALOPARARALAIA! BA HALASIA, BENA INI HENANADAI BA HAERELAI:

• Matamanai Miki ese ena kongrigeisen be ede e laloa toma?

• Dahaka e vara dainai ena hemami na e idau?

• Edena dala ai Iesu ena haheitalai ese Miki e durua ena lalohadai baine hamaoromaoroa? (Mr 14:38)

• Edena dala ai Hereva Lada-isidia 19:11 ese baine duruda eda tadikaka taihu baita lalodia maoromaoro totona?