Dahaka dainai Lot adavana na Sodom amo e heau neganai e roha lou? Baibul ese badina na se herevalaia. (Ge 19:​17, 26) Iesu ese e gwauraia herevana amo e hahedinaraia ia na reana e rakatani ḡaudia e lalodia. (Lu 17:​31, 32) Edena dala ai baita henahua toho bona Dirava ena lalonamo basita haboioa? Namona na eda mauri ai kohu momo itahudia karana basita atoa guna. (Mt 6:33) Iesu na eto “Dirava bona Taḡa isiaidia basio lao heni diba.” (Mt 6:​24) To bema ta mamiamu eda mauri ai kohu o moni itahuna karana ese nega bada e haoreamu be ede bamona? Namona na Iehova baita noia aonega baine henida, unu amo baita itaia eda mauri ai dahaka ḡau haida baita haidau, bona baita noia goada baine henida unu baita kara toma.

KAHA TOI VIDIONA LADANA LOT ADAVANA BA LALOA BA ITAIA, BENA INI HENANADAI BA HAERELAI:

• Edena dala ai moni momo itahuna karana ese Gloria ena lalohadai, hereva, bona kara e haidau?

• Hari ina negai Lot adavana ena haheitalai ese dahaka e hadibadamu?

• Edena dala ai Baibul ena hahekau herevadia ibadinana karana ese Joe bona ena ruma bese e durudia?

• Edena dala ai Anna na ḡaukara gabuna ai e bamodiava taudia ese ena lauma dalana e hadikaia?

• Bema haida ese bae dorida moni baita laloa bada, dahaka dainai baita lalo maoromaoro na namo?

• Edena dala ai Brian bona Gloria ese Dirava itomadiho henina karana e goadalaia lou?

• Ina vidio ai ededia hahekau herevadia Baibul ai e hahedinarai?