Dahaka dainai Iehova e lalokau heniamu taudia baita bamodia na namo? Badina ita ese ta bamodiamu taudia ese bae ha-aonegada o bae hahekwakwanaida. (Her 13:20) Heḡereḡere, King Ioasa na Hahelaḡa Tauna Badana Iehoiada e bamoava neganai ‘Iehova vairanai e kara maoromaorova.’ (2Si 24:2) Iehoiada e mase murinai, Ioasa na hebamo dikadia daidiai Iehova e rakatania.​—2Si 24:17-19

Aposetolo edia negai, Paulo ese Kristen kongrigeisin na “ruma badana” ta ida e haheḡereḡerea, a kongrigeisin taudia be “au bona raro keberedia” o ruma kohudia ida e haheḡereḡeredia. Ita na “e matauraiamu keberena” ai baitala diba bema Iehova ese e badulaimu karadia e karamu taudia​—ena be eda ruma bese taudia ta eiava kongrigeisin taudia ta​—ibamodia karana nahuana baita tohoa. (2Ti 2:20, 21) Una dainai, Iehova e lalokau heniamu taudia baita bamodia hanaihanai badina be hagoadadamu Iehova baita hesiai henia totona.

BA ITAIA VIDIO LADANA NA HEBAMO DIKADIA IDADARAIDIA DALANA BA DIBAIA, BENA INI HENANADAI BA HAERELAI:

• Ededia dala haida ai hebamo dikadia na eda mauri lalonai baita abia vareai?

• Vidio ai, dahaka ese Kristen taudia tatoiosi e durudia dainai hebamo dikana e rakatani?

• Ededia Baibul sisibadia ese baine durumu hebamo maorona bavabia hidi totona?