Iehova ese taunimanima oromadia na se lalomu. (Ka 10:34, 35) Ia ese “bese idau-idau bona iduhu idau-idau bona hanua idau-idau bona gado idau-idau” taudia na e abidia daemu. (Apo 7:9) Una dainai, inai heheni o haida mo e kara namo henidiamu taudia na Kristen Kongrigeisen lalonai asi edia gabu. (Ia 2:1-4, NWT) Ta moalemu, badina lauma paradaisona lalonai ta itaiamu Dirava ena amo ta abiamu dibana ese taunimanima edia kara na e haidaumu. (Is 11:6-9) Namona na baita ḡaukara goada, kudouda amo inai heheni karadia baita kokidia, unu amo baita hahedinaraia ita na Dirava ta tohotohoamu.​—Ef 5:1, 2.

• Ena be taunimanima na e hekwarahimu inai heheni o heiriheiri karadia bae haore, to dahaka dainai Dirava ena hahediba ese una na e hereaia?

• Tanobada heḡeḡemadai eda hetadikaka karana ese oi be ede e durumu tomamu?

• Hanaihanai lalotamona karana baita hahedinaraia neganai, edena dalai una ese Iehova e hanamoamu?