DAHAKA DAINAI? Taunimanima ese Iehova ena taravatu bae diba bona bae badina na namo, unu amo Ia e moalelaiamu dalana ai bae toma henia diho. (Is 2:3, 4) Eda stadi bukana iharuana, “Dirava Ena Lalokau” bukana ese stadi taudia e durudiamu, edia mauri lalonai Dirava ena hahekau herevadia bae badina daladia bae lalopararalai totona. (He 5:14) Idia ta hadibadiamu neganai, kudoudia baita hamarere na namo, unu amo lalohadai maorona bae abia bena edia kara bae haidau.​—Ro 6:17.

EDENA DALAI?

• Ba heḡaeḡae namonamo, emu stiuden ba durua daladia ba lalodia. Henanadai maorodia amo stiuden ena lalohadai bona hemami ba dibaia.​—Her 20:5;be-MO 259

• Buka lalonai maua miadia ba ḡaukaralai, unu amo emu stiuden ba durua Baibul ena hahekau herevadia ibadinadia edia namo baine lalodia

• Emu stiuden ba durua lalona mamina heḡereḡererena ai abi hidi baine kara, to oi ese iena abi hidi na basio kara.​—Ga 6:5

• Bema emu stiuden na Baibul ena hahekau herevadia haida baine badinadia totona heduru baine abi na namo, mai aonegamu ida ba durua. Namona na ba hagoadaia Iehova e lalokau heniamu dainai ena mauri baine haidaua.​—Her 27:11; Ioa 14:31