“Dina gabedia ai”

Hari ta nohomu negana

“Iehova ena dubu ororona”

Iehova ena tomadiho ḡoevana

“Bese iboudiai ese bae aru henia”

Tomadiho ḡoevana e badinaiamu taudia na lalotamona ai bae hebou

“Aoma, Iehova ena ororo baita dara dae henia”

Tomadiho momokani taudia ese ma haida e boiridiamu idia ida bae hebou totona

“Ia ese ena kara baine hadibalaida, ena dala ai baita raka helaoreana”

Iehova na ena Hereva amo ita e hadibadamu bona e durudamu ena dala ai baita raka

“Tuari daladia basie hahedibalai lou”

Isaia na eto, tuari kohudia na uma kara tuludia ai bae halaodia, una ese e hahedinaraiamu Iehova ena taunimanima na maino ai bae noho. Isaia ena nega ai unu be tulu ede bamodia?

“Dare bae hododia, ruarua auridia ai bae halaodia”

1 Ruarua aurina (plowshare) na tano e hamakohiamu tuluna ta. Idia haida na auri o metal amo e karadia.​—1Sa 13:20

“Io bae hododia, kwama-kwama kaiadia ai bae halaodia”

2 Kwama-kwama kaiana (pruning shear) imana na au amo e karaia. Una tulu na e ḡaukaralaiava vine huahuadia e utuva.​—Isa 18:5