DAHAKA DAINAI MAI ANINA BADA?: Iehova ese “e abidia hidi mauri hanaihanai bae abia taudia” kudoudia ai hereva momokani ena uhe na e hatubuamu. (Apos 13:48; 1Ko 3:7) Ia ida ta ḡaukara heboumu dainai, namona na baita hekwarahi hereva e kamonaimu taudia baita haroro henidia totona. (1Ko 9:26) Namona na Baibul stiudent taudia na bae laloparara, Kristen bapatiso e abiamu taudia na Dirava ese baine hamauridia. (1Pe 3:21) Idia na hahediba taudia ai baela totona, namona na baita hadibadia edia mauri dalana bae haidaua, bae haroro bona bae hahediba, bona edia mauri na Iehova enai bae gwauhamatalaia.​—Mt 28:19, 20.

EDENA DALA AI BAITA HAHEDINARAIA?

• Baibul stiudent taudia baita hadibadia idia ta stadi henidia badina ta uramu idia ese Iehova ‘bae dibaia’ bona bae hamoalea.​—Ioa 17:3

• Baita durudia hahetoho idauidau heḡereḡere habit o kara dikadia bona hebamo dikadia bae dadaraidia, unu amo lauma dalana ai bae goada

• Ena be e bapatiso eiava lasi, to baita hagoadadia hanaihanai.​—Apos 14:22

VIDIO LADANA IEHOVA ESE BAINE DURUMU, BA ITAIA BENA INI HENANADAI BA HAERELAI:

• Dahaka ḡau haida daidiai haida na se uramu edia mauri bae gwauhamatalaia bona bae bapatiso?

• Elda taudia ese Baibul stiudent taudia be ede bae durudia toma lauma dalana ai bae goada totona?

• Isaia 41:10 ese Iehova be ede e herevalaia toma?

• Ededia kara ese bae duruda Iehova e moalelaiamu dalana ai Ia baita hesiai henia totona, ena be ita na dia ḡoevadae?