DAHAKA DAINAI?: E horodia taudia bona mamoe idaudia na taunimanima iboudiai e invaitidiamu ‘mauri ranuna bae inua, asi davana.’ (Apok 22:17) Ina laulau herevana, ranu, anina na Iehova ese Ia e kamonai heniamu taudia na kara dika bona mase amo baine ruhadia totona, e henimu ḡaudia iboudiai. Kastom bona tomadiho idauidau taudia baita durudia totona, ita ese “mia hanaihanai sivaraina namona” na edia noho dalana heḡereḡerediai baita harorolai henidia na namo.​—Apok 14:6.

BAITA KARAIA DALANA:

• Emu teritori ai taunimanima kudoudia bae hamarere topik bona sirina ta bavabia hidi. O uramu neganai, haroro daladia kahana o guna o ḡaukaralaia dalana ta bavabia hidi. Ededia topik bona siri o ḡaukaralaimu neganai momo e kamonai? News ai e halasia sivaraina ta dainai momo ese una e laloamu eiava e herevalaiamu, a? Tau ta o hahine ta be ede ba haroro henia toma?

• Emu teritori ai o haroromu neganai, kastom heḡereḡerenai hahenamo herevadia ba gwaurai.​—2Ko 6:3, 4

• Iseda Hahediba Toolbox ai vidio bona pablikeisin iḡaukaralaidia daladia ba manadalai unu amo kamonai taudia ediai ba herevalai

• Emu teritori ai e herevalaimu gadodia edia infomeisin ba daonloud

• Emu haroro topik na ruma taudia edia noho daladia heḡereḡeredia ai ba herevalai. (1Ko 9:19-23) Heḡereḡere, bema oi na mai dibamu ruma tauna ta na ena lalokau tauna ta e mase, ia be ede bo haroro henia tomamu?

VIDIO BA ITAIA, BENA INI HENANADAI BA HAERELAI:

• Pablisa ese ruma tauna enai edena topik e harorolaia?

• Ruma tauna ena mauri ai be dahaka e varamu?

• O laloamu edena siri baine ḡaukaralaia be namo, bona dahaka dainai?

• Taunimanima edia noho daladia heḡereḡerediai ba haroro henidia totona emu haroro dalana be ede o haidau tomamu?