Histri lalonai, nega haida gavamani ese Iehova ena taunimanima na e durudia. (Ese 6:1-12;Eset 8:10-13) Hari ina nega ai danu, ta itaiamu, “tanobada”​—e lalopararamu tanobada gavamanidia haida​—na “huala” o Satana Diabolo ese e havaramu ‘sinavaidia’ o daḡedaḡe karadia e koudiamu. (Apok 12:16) Iehova, “hahemauri Diravana” ese nega haida tanobada gavamanidia e ḡaukaralaidiamu ena taunimanima baine durudia.​—Sa 68:20; Her 21:1.

Oi be dahaka bo karamu bema emu abidadama dainai be hadiburamumu? Basio daradara Iehova ese oi na be haḡeremumu. (Ge 39:21-23; Sa 105:17-20) Bavabia dae momokani emu abidadama dainai Iehova ese be hanamomumu bona emu abidadama dainai tanobada heḡeḡemadai ai e nohomu tadikaka taihu bo hagoadadiamu.​—Flp 1:12-14; Apok 2:10.

BA ITAIA VIDIO LADANA NA KOREA TADIKAKADIA NA DIBURA RUMA AMO E RUHADIA, BENA INI HENANADAI BA HAERELAI:

• Dahaka dainai laḡani momo lalodiai iseda tadikaka South Korea ai e hadiburadia?

• Edena kota ena disisin daidiai eda tadikaka haida e ruhadia haraḡa?

• Edena dala ai ita ese eda tadikaka tanobada heḡeḡemadai ai bona hari dibura ai e nohomu tadikakadia baita durudia?

• Ita ese eda freedom be ede baita ḡaukaralaia toma?

• Daika ese ita e durudamu dainai kota ai ta kwalimumu?