Oi laḡanimu be 23 ela 65 padanai bona ful-taim hesiai ḡaukara o karamu, a? Emu helt be namo, bona pablisa dia momo gabudia ai ba haroro diba, a? Bema ini henanadai ai emu haere na oibe, oi o uramu Basileia Evanelia Sikulina ai ba vareai, a? Una sikuli e hematama negana amo, headava taudia, singul tadikaka bona taihu tausen momo na vada e vareai. To, ai na a uramu singul tadikaka momo na una sikuli ai bae vareai. Iehova ba noia baine durumu iena ura bavatoa guna, bona ia Natuna ba tohotohoa. (Sa 40:8; Mt 20:28; Heb 10:7) Bena emu maduna idauidau ba haero unu amo ba heḡereḡere una sikuli ai ba vareai.

Una sikuli amo treinin e abi taudia be gabu ede bamodiai hesiai ḡaukara bae kara diba? Idia haida na idau gado e herevalaimu tanodia ai e haroromu eiava special metropolitan haroro ḡaukarana e duruamu. A ma haida be gabeai substitute seket taudia, seket taudia, eiava misinari taudia ai e laomu. Iehova ena hesiai ḡaukara lalonai o uramu ba karaia ḡauna o laloamu neganai, peroveta tauna Isaia ena hereva ba laloa, eto: “Lau o ina, a siagu.”​—Isa 6:8.

VIDIO LADANA  FIELD MISSIONARIES​—WORKERS IN THE HARVEST BA ITAIA, UNA MURINAI INI HENANADAI BA HAERELAIDIA:

• Misinari taudia be ede e abidia hidi tomamu?

• Misinari taudia be dahaka ḡaukara namodia e karamu?

• Misinari ḡaukara hahenamodia haida be dahaka?