Orea amo ta e atoa sirimu karana ese kongrigeisin e gimaiamu, bona se helalo-kerehai tauna e matahakani heniamu. (1Ko 5:6, 11) Iehova ena matahakani ta duruamu neganai, ta hahedinaraiamu ita ese Iehova ta lalokau heniamu. Edena dala ai una na momokani, bema orea amo ta e atoa sirimu karana ese famli bona hahemaoro komiti ediai lalohisihisi e havaraiamu?

Ḡau badana na baita hahedinaraia Iehova ladana ta matauraiamu bona ena taravatu helaḡadia ta lalodia badamu. (1Pe 1:14-16) Danu, ta hahedinaraiamu orea amo e atoa siri tauna ta lalokau heniamu. Ena be matahakani na mai hisihisina, to gabeai una ese “maino bona kara maoromaoro” baine havaraia diba. (Heb 12:5, 6, 11, NWT) To, bema orea amo e atodia sirimu taudia eiava sibodia orea e rakatania taudia baita bamodiamu, ita ese Iehova ena matahakani na asita laloa badamu. Ba helalotao, Iehova ese ena taunimanima na edia “dika davana” heḡereḡerena e matahakani henidiamu. (Ier 30:11) Iehova ena matahakani e henimu dalana baita durua, bona eda hetura karana Dirava ida baita hagoadaiamu neganai, una ese orea amo e atoa siri tauna be duruamu eda hebogahisi Diravana baine lou henia.​—Isa 1:16-18; 55:7.

VIDIO LADANA MAINTAIN LOYALTY WITH A UNIFIED HEART BA ITAIA, UNA MURINAI INI HENANADAI BA HAERELAIDIA:

• Bema natu ta na Iehova e rakataniamu Kristen tama sina edia hemami be ede bamona?

• Edena dala ai kongrigeisin taudia ese doini e goadamu ruma besena bae durua diba?

• Edena Baibul sivaraina ta ese e hadibadamu Iehova ibadinana karana ese famli ibadinana karana e hereaiamu?

• Edena dala ai baita hahedinaraia Iehova ibadinana karana ese famli ibadinana karana e hereaiamu?