Iesu ena hahediba hereva bina: “Vada o abi doa, vada ba heni doa.” (Mt 10:8) Una haheḡani ta badinaiamu dainai, ita ese taunimanima ta henidiamu Baibul o buka o magasin davadia (o price) na asita gwauraimu. (2Ko 2:17) To, ini pablikeisen lalodiai na Dirava ena Hereva momokanidia hehetore. Eda tadikaka na e ḡaukara goada bona moni bada e ḡaukaralaia, eda pablikeisen e printidia bena tanobada heḡeḡemadai ai e nohomu kongrigeisen e siaidia lao. Una dainai, namona na baita ḡaukaralai ḡaudia mo baita abi.

Eda haroro ḡaukara bona pablik gabudia ai, eda pablikeisen ta hariharilaimu negadia ai, aonega baita ḡaukaralai. (Mat 7:6) Dia namo eda pablikeisen na e raka hanaimu taudia baita henidia kava, to baita haroro henidia toho, unu amo baita diba idia be kamonai taudia eiava lasi. Maua ladana “O Haroro Heniamu Tauna Be” henunai e hetore henanadai ta enai, emu haere be “oibe,” a? Bema o daradaramu o haroro heniamu tauna na kamonai tauna eiava lasi, namona na pepapepa ta ba henia. To, bema ia ese magasin ta o buka ta baine noia, e noiamu ḡauna baita henia na namo.—Her 3:27, 28.