Iesu na tanobada ai e nohova neganai, ina haheḡani e gwauraia: “Tamamu sinamu ba matauraidia.” (Eso 20:12; Mt 15:4) Iesu ese una hereva baine gwauraia na maoro, badina ia na maraḡina ai tamana sinana e “kamonai” henidiava. (Lu 2:51) Ia e bada neganai, dala e kara unu amo baine mase neganai sinana na bae naria namonamo.​—Ioa 19:​26, 27.

Hari ina negai danu, Kristen memero kekeni ese tamadia sinadia e kamonai henidiamu bona mai edia hemataurai ida e hereva henidiamu neganai, hemataurai karana e hahedinaraiamu. Momokani, tamada sinada baita matauraidia haheḡanina na asi hetoana. Ena be tamada sinada na bae buruka, to edia aonega amo namo baita davari totona, baita matauraidia na namo. (Her 23:22) Danu, tamada sinada burukadia baita matauraidia totona, tauani dalana ai baita naridia bona baita durudia na namo. (1Ti 5:8) Ena be ita na mamatamata eiava buburuka, to tamada sinada ida baita herevahereva namonamomu karana amo baita hahedinaraiamu, idia na ta matauraidiamu.

KATUN VIDIONA LADANA EDENA DALA AI TAMAGU SINAGU BAINA HEREVA HENIDIA DIBA? BA ITAIA, BENA INI HENANADAI BA HAERELAI:

• Dahaka dainai tamamu sinamu ba hereva henidia na auka?

• Tamamu sinamu o hereva henidiamu neganai, edena dala ai hemataurai karana ba hahedinaraia diba?

• Dahaka dainai tamamu sinamu ba hereva henidia na mai ena namo? (Her 15:22)