DAHAKA DAINAI? Bema “taunimanima ta ena lalo-hadai na ranu dobuna na heto,” henanadai na pakese ta heḡereḡerena, baita ḡaukaralaia ena lalohadai baita diba totona. (Her 20:5) Henanadai ese kamonai taudia baine durudia edia lalohadai bae gwaurai hedinarai. Baita abi hidi namonamomu henanadaidia amo ḡau haida baita dibamu. Iesu ese henanadai na e ḡaukaralai namonamova.Edena dala ai ia baita tohotohoa diba?

BAITA KARAIA DALANA:

• Henanadai maorodia ba heni. Iesu na henanadai e heniva, ena hahediba edia lalohadai baine diba helaoreana. (Mt 16:​13-16; be-MO rau 238 par. 3-5) Ededia henanadai maorodia ba ḡaukaralai?

• Kamonai tauna iduruna henanadaidia ba heni. Iesu ese Petro ena lalohadai baine hamaoromaoroa totona, henanadai e heni bona haeredia ese Petro e durua lalohadai maorona e abia. (Mt 17:​24-26) Ededia henanadai amo kamonai tauna ba durua lalohadai maorona baine abia totona?

• E kamonaimu taudia ba hanamodia. Itorena tauna ta na “e haere mai lalopararana ida” neganai, Iesu ese e hanamoa. (Mr 12:34) Edena dala ai emu henanadai e haerelaiamu tauna ba hanamoa?

VIDIO LADANA, IESU ESE E KARAIA ḠAUKARANA BA KARAIA​—BA HAHEDIBA, ENA KAHA GINIGUNANA BA ITAIA, BENA INI HENANADAI BA HAERELAI:

• Dahaka dainai ina na dia hahediba dalana maorona, ena be e gwaurai herevadia na mamaoro?

• Dahaka dainai topik ta anina baita herevalaia mo na dia heḡereḡere?

VIDIO ENA KAHA IHARUANA BA ITAIA, BENA INI HENANADAI BA HAERELAI:

• Edena dala ai tadikaka ese henanadai e ḡaukaralai namonamo?

• Ena hahediba dalana amo dahaka ḡau ma haida baita tohotoho diba?