DAHAKA DAINAI?: Namona na taunimanima ese Iehova ladana bae hahanea, unu amo bae mauri. (Ro 10:13, 14) To, Baibul stadi e abia daemu taudia haida na asie uramu Iehova ena taravatu bae badina. Ita na ta uramu eda haroro ḡaukara lalonai eda nega baita ḡaukaralaia namonamo dainai, namona na e uramu Iehova bae hamoalea taudia mo baita durudia. Bema stiuden haida na nega daudau vada ta stadi henidia to kara ta asie karaiamu, edia stadi baita kou na namo, unu amo Iehova ese ena orea lalonai baine veridia mai taudia baita tahudia. (Ioa 6:44) Bema gabeai, unu stiuden ese bae hahedinaraia idia na “mauri hanaihanai bae abia taudia,” una negai mai moaleda ida edia stadi baita hamatamaia lou.​—Apos 13:48.

BA KARAIA DALANA:

• Stiuden ba tenkiu henia badina e uramu hereva momokani baine diba.​—1Ti 2:4

• Ba hamaoroa e diba ḡaudia baine badina na ḡau badana.​—Lu 6:46-49

• Mai hematauraimu ida Iesu ena parabole (uhe ihadona tauna) ba herevalaia, bona ba noia baine tahua dahaka ese e kouamu dainai e diba ḡaudia baine badina na auka.​—Mt 13:18-23

• Ba hadibaia namonamo dahaka dainai o uramu stadi ba koua

• Ba hadibaia nega haida ia ihagoadana totona bo vadivadimu, bona ba hadibaia danu gabeai ena stadi ba hamatamaia lou bema ia e kouamu ḡauna baine hahanaia diba

VIDIO BA ITAIA, BENA INI HENANADAI BA HAERELAI:

• Herevahereva amo ede o diba tomamu stiuden na lauma dalanai se goadava?

• Pablisa ese stiuden be ede e durua toma dainai stiuden e laloparara ena kara baine haidaua na namo?

• Pablisa ese stiuden be ede e hadibaia toma dainai stiuden e laloparara gabeai bae stadi lou diba?