Flaoa mai hairaina, o guba hisiudia, o waterfall o itamu neganai, Dirava imana karakara ḡaudia o itamu, a? Idia iboudiai ese Iehova ena kara hehunidia e hahedinaraimu. (Ro 1:20) Ta itamu ḡaudia iboudiai baita haerodiamu neganai, Dirava ena siahu, lalokau, aonega, hahemaoro maoromaoro, bona hariharibada karadia baita lalopararalaimu.​—Sa 104:24.

Iehova ese e kara ḡaudia amo dahaka be dina ta ta ai o itamu? Ena be siti ai o nohomu, to manu eiava au idauidau bo itamu. Iehova imana karakara ḡaudia baita haeromu neganai, basita wari momomu, ḡau badadia baita ato gunamu, bona baita abia daemu Iehova na ita baine reḡuda ela bona hanaihanai. (Mt 6:25-32) Natumu danu ba durudia Iehova ena kara hereadaedia bae lalopararalai totona. Dirava ese e havara ḡaudia baita moalelaimu neganai, ita danu ia baita raka henia kahimu.​—Sa 8:3, 4.

VIDIO LADANA ḠAU IBOUDIAI ESE DIRAVA HAIRAINA E HAHEDINARAIA​—DIARI BONA KALA, BA ITAIA BENA INI HENANADAI BA HEREVALAI:

• Dahaka dainai kala ta itamu?

• Dahaka ese kala e haidauamu?

• Dahaka dainai guba ai kala idauidau ta itamu?

• Dirava e kara ḡaudia na mai edia kala idauidau​—oi be edena o ura heniamu?

• Dahaka dainai nega baita ato Dirava e kara ḡaudia baita haerodia totona?