Baibul na e peroveta Satana ese ita na be daḡedaḡe henidamu eda hesiai ḡaukara baine hadikaia totona. (Ioa 15:20; Apo 12:17) Tano haida ai daḡedaḡe e davarimu tadikakadia be ede baita durudia toma? Idia daidiai baita ḡuriḡuri diba. “Kara maoromaoro tauna ena ḡuriḡuri ese anina e havaraiamu mai siahuna ida.”​—⁠Iak 5:16.

Dahaka baita ḡuriḡurilai? Iehova baita noia diba tadikakada bona taihuda baine hagoadadia bona baine durudia basie gari. (Is 41:10-13) Bona siahu taudia daidiai baita ḡuriḡuri diba, eda haroro ḡaukara basie koua, unu amo “baita noho namonamo mai mainoda ida.”​—⁠1Ti 2:1, 2.

Paulo bona Petro na daḡedaḡe e davari neganai, Kristen taudia ginigunadia na idia daidiai e ḡuriḡuri bona ladadia danu e gwaurai. (Ka 12:5; Ro 15:30, 31) Hari ina negai, bema daḡedaḡe e davari taudia ladadia na asi dibada, eda ḡuriḡuri ai edia kongrigeisen, tano eiava gabu baita gwauraia diba.