Bema oi na eregabe bona bapatiso lasi pablisa ta, eiava Baibul stiuden ta, oi ese bapatiso be emu tahua ḡauna ai o halaoamu, a? Dahaka dainai o uramu ba bapatiso? Gwauhamata bona bapatiso ese dala be kehoamu Iehova turana ai baola. (Sa 91:1) Danu una ese be hamauridamu. (1Pe 3:21) Edena dala ai una tahua ḡauna ba haḡuḡurua?

Sibomu ese ba hamomokania ina na hereva momokani. Mai emu henanadai haida neganai, sibomu ese research ba kara unu henanadai haeredia ba diba totona. (Ro 12:2) Emu mauri lalonai senisi haida ba kara, bona unu senisi o karamu badina na o uramu Iehova ba hamoalea. (Her 27:11; Efe 4:23, 24) Hanaihanai ba ḡuriḡuri Dirava ese baine durumu. Bavabia dae Iehova na ena lauma helaḡa siahuna amo be hagoadamumu bona be durumumu. (1Pe 5:10, 11) Emu hekwarahi ese anina namona be havaraiamu. Iehova ihesiai henina karana na mauri dalana hereadaena!​—Sa 16:11.

VIDIO LADANA BAPATISO DALANA BA ITAIA, UNA MURINAI INI HENANADAI BA HAERELAIDIA:

• Haida be dahaka hahetoho e hanaidia unu amo bae bapatiso?

• Iehova enai emu mauri ba gwauhamatalaia totona, edena dala ai emu abidadama ba hagoadaia?

• Haida be dahaka e kara unu amo e bapatiso?

• Iehova e uramu bae hesiai henia taudia be dahaka hahenamo idauidau e davarimu?

• Gwauhamata bona bapatiso anidia be dahaka?