Dahaka dainai laḡani ta ta ai hebou badadia na ta moalelaimu? Idaunegai Israel ai e karava heḡereḡeredia, hari ina negai danu hebou badadia ai ita na taunimanima handred eiava tausen ida Iehova ta tomadiho heniamu. Ita ese lauma aniani momo herea ta moalelaimu. Danu, una negai turada bona eda ruma bese ida ta hebamomu. Unu daidiai asita uramu hebou dinadia toiosi baita readia.

Hebou negadiai namona na siboda eda namo mo basita lalo, to ma haida ediai lalokau baita hahedinaraia daladia baita lalo danu. (Ga 6:10; Heb 10:24, 25) Eda tadikaka eiava taihu edia raka daladia basita kou eiava helai ḡaudia momo basita biagu neganai, anina na ita na haida edia namo ta lalomu. (Flp 2:3, 4) Hebou badadiai turada matamatadia ta davaridiamu. Program vairanai o murinai eiava aniani negadiai, taunimanima idauidau baita hedavari henidia. (2Ko 6:13) Nega unuhetomadiai ta davarimu taudia na turada namodia ai baela diba! Danu, kamonai taudia ese lalokau ta hahedinaraiamu dalana e itaiamu neganai, reana idia danu Iehova ena hesiai taudia ai baela diba.​—Ioa 13:35.

VIDIO LADANA “LALOKAU NA SE DOKOMU”! INTERNATIONAL CONVENTIONS BA ITAIA, UNA MURINAI INI HENANADAI BA HAERELAIDIA:

• Laḡani 2019 intanesinol hebouna ai delegates iboudiai ese lalokau be ede e mamia toma?

• Dahaka dainai Iehova ena taunimanima edia lalotamona bona lalokau karana na idau herea?

• Gavanin Bodi ena memba ta ta ese Kristen lalokau be ede herevalaia toma?

• Edena dala ai lalokau ese Germany bona South Korea ai tadikaka bona taihu e hatamonadia?

• Dahaka baita kara be namo?